Latsch 2022

Zwei Jahre hat uns Corona eine Reise ins Südtirol für unser traditionelles Trainingslager über Ostern verwehrt. Nun sind unsere älteren Athletinnen und Athleten wieder nach Latsch gereist und berichten hier von ihren Erlebnissen.

Donnerstag (Bericht von Laura und Tim O.)

Auf die Plätze, fertig, los...

In aller Herrgottsfrüh fuhren wir vom Margelacker in Muttenz los. Gegen aller Erwartungen war das Beladen des Busses keine Tetrisweltmeisterschaft, sodass keiner der jungen Athleten nach Latsch joggen musste.

Wie gewohnt, legten wir einen Zwischenstopp im Heidiland ein, wo wir zunächst auf Alessandra warten mussten. Denn ihr Navi erlaubte sich einen Scherz und lotste sie zum Flughafen in Zürich.

Angekommen im Morter belegten wir die Zimmer und joggten anschliessend zum Stadion in Latsch für eine erste Inspektion. Als Roman und Stefan ankamen, stellten wir fest, dass Stefan, dem die Vereinsfarben für gewöhnlich so gut stehen, verwirrt zu sein schien, mit welchem Verein er ins Trainingslager fuhr, sodass er prompt ein fremdes Vereinsshirt trug.

Nach dem kurzen Training ging es wieder zurück ins Hotel, wo wir wie immer, gut gegessen haben. Während die einen als Abendprogramm Germany’s Next Topmodel schauten, spielten die anderen Gamesch (oder wie man das schreibt) oder Brändi Dog.

Aus Platzgründen wurden Roman und Stefan in ein anderes Hotel ausquartiert. Dies hatte zur Konsequenz, dass sie nach etlichen Stunden Brändi Dog noch ein Nachttraining absolvierten, um den Öffnungszeiten des Hotels noch gerecht zu werden. Ansonsten hätten sie sich auf eine Nacht auf Tim’s Zimmerboden freuen können.

Freitag (Bericht von Matti, Robin und Elia)

Nach einem sehr guten z'Morge machten wir uns schon auf den Weg zum Stadion.

Die U14 mussten hin joggen. Die U16 durften fahren. Dann machten die U14 Pyramidensprints von 20m bis 80m. Inzwischen machte die Gruppe von Marco 30m fliegend zusammen mit der Sprintgruppe. Der Rest machte Ausdauer und Sprints. Nachdem die U14 die Pyramidensprints gemacht hatten, wurden sie vom sehr netten Busfahrer Jürg zurückgefahren. Die U16 machte danach noch Weitsprung. Nachdem dann alle wieder im Hotel angekommen waren, gab es zum z'Mittag feine Spaghetti, die allen sehr gut geschmeckt haben.

Nach dem z'Mittag ruhten sich die meisten aus, da das erste Training doch ziemlich anstrengend war. Zwischen 14:30 und 15:00 machte sich dann wieder alle bereit fürs Nachmittagstraining. Diesmal musste die U16 hinjoggen und die U14 durften fahren. Dann machten die U14 sich bereit für den Weitsprung, die U16 für den Hochsprung/ Speer beziehungsweise Kraftraum. was der Rest machte, bekamen wir nicht mit.

Um 17:00 Uhr war dann fertig mit dem Training. und ein paar Athleten assen die feinen Äpfel, die vom Abwart zur Verfügung gestellt wurden. Sie waren echt gut. Danach erholten sich wieder alle Athleten im Hotel und assen anschliessend das feine Abendessen.

Nach dem Abendessen genoss man noch den Abend, bevor man dann schlafen ging. Somit ging ein sehr schöner erster Trainingstag zu Ende.

Samstag (Bericht von Noée, Romina, Valérie und Mia)

Der Tag begann damit, dass alle aus ihren Zimmern kamen und sich zum Frühstück begaben. Das Frühstückbuffet war reichhaltig, köstlich und herrlich zugleich. Als alle ihre Mägen gefüllt hatten, gingen wir hoch in unsere Zimmer und jeder machte sich für das Morgentraining bereit. Um 9:30 Uhr joggte man zum Stadion oder fuhr mit dem Bus. Als alle ihr Training absolviert hatten, joggten oderfuhren wir zum Hotel zurück. Um 12:30 Uhr gab es dann schon bald ein ebenfalls köstliches Mittagessen. Als alle das Essen beendet hatten, verteilten wir uns auf die Zimmer, um ein bisschen Pause zu machen, da es am Nachmittag um 14:30 Uhr auch schon wieder weitergeht mit dem Training! Als auch dieses Training beendet wurde, duschten alle erst mal und zogen sich um. Danach gingen alle unterschiedlichen Aktivitäten nach. Ein paar gingen Eis essen im Dorf, andere spielten Spiele, ein paar lagen einfach in der Sonne und jemand besichtigte die Ruinen. Das Wetter war perfekt zum draussen sein und die Sonne geniessen. Als es um 19:00 Essen gab, standen viele schon 10 min früher da, damit sie noch etwas vom Salat bekommen wollten. Das Salatbuffet war überraschen schnell weg, so schnell, dass die die pünktlich waren nichts mehr/nur noch wenig Salat hatten. Als alle ihren Salat gegessen hatten, gab es ein wunderbares 4 Gänge Menü! Man musste nicht alle Gänge nehmen und man konnte am Morgen individuell aus 2 Vorspeisen und 3 Hauptgängen auswählen. Als auch dieses Essen beendet war, spielten viele noch zusammen Spiele und andere gingen hoch auf ihre Zimmer. Alle gingen zu unterschiedlichen Zeiten schlafen, denn jeder musste selbst entscheiden wie lang er aufbleiben kann, damit man am nächsten Tag wieder fit ist fürs Training!

Sonntag (Bericht von Aline, Annika und Nathalie)

Dring dring dring…

Hä was isch denn dass?! Ouuu de Wecker, hanni doch zu lang Werwölfle/Mördelis gspielt geschter. Ich quäl mich us em Bett und puhh grad no rächtziitig zum z’Morge gschafft! Oder bin ich jetzt doch zu früe, es isch jo no keine doo. Ahh de Tim, Mike, Jan und Simon häns nach em Mördelis nümmi gschafft de Wecker z’stelle und händ verschlofe.

Happy Birthday too youu, happy birthday too youu, happy Birthday liebi Lara, …

Wow de Kueche! D’Lara, unser Geburtstagschind wird hütt 15ni. Mir gratuliere Dir ganz herzligg liebi Lara und wünsche Dir vo Härze alles alles Gueti! Aber isch do nit no öbbis anders gsy hütt? … Mhm die feine Schoggieili uf emz’Morgetisch…. Hüt isch Ostere! Frohi Ostere alli mitenander!

Trotz allne Festlichkeite gohts erneut früe am Morge is Stadion in Latsch. Die einte jogge, die andere lön sich lo fahre, am Schluss kömme mir alli ah. Ob nach em Sprinte, Springe, Renne, Wärfe oder nach em Krafttraining, kaputt und glücklich sind mir alli, und dörfe uns mit feine Spinat-Ravioli zum zMittag wieder stärke.

Nach emne Gruppephotishooting mit Photographin Silvie und ere kurze Pause gohts jetzt los uf d’Oster-Adventure-Tour.

In Fünfergruppene starte mir dr Photi-Poste-Lauf. Wärend die Erschte voller Elan scho los jogge, spiele die andere no sPeng-Spiel.

Peng-Bamm-Bumm, und scho isch die erschti Gruppe wieder im Ziel. Wären em Postelauf hämmer mit Fremde e Pläuschle ghalte, Ritter gschspielt und mit Tierli kuschelt, alles das hämmer photographisch festghalte.

Nach langem warte kunnt au no die letzti Gruppe is Ziel und dörf au no ihri Osterüberraschig im Garte go sueche.

De Marco stoht uf, uii jetzt wird’s spannend, es git Siegerehrig. Aber was händ dTrainer denn so lang besproche, isch doch klar dass mir gwünne! Aber was isch denn das?! Gruppe Big Mac isch uf em erste Platz glandet, das sind jo gar nid mir! Naja, es Priilsi gits für alli. So jetzt gohts aber ab is Schwimmbad mit uns, tschau zämme, schöne Obe mitenand!

Me gseht sich morn wieder.

Und hier noch die Bilder unserer Fotosafari Adventure Tour:

Aufgabe 1: Macht auf Eurem Weg ein Bild mit einer fremden Person.

Aufgabe 2: Schiesst ein Teambild auf dem auch ein Tier zu sehen ist.

Aufgabe 3: Macht ein Foto auf dem vier Personen zu sehen sind. Diese dürfen dabei mit total genau zwei Füssen, zwei Händen und einer Nase den Boden berühren.

Aufgabe 4: Stellt eine klassische Ritterszene vor der Burg dar und fotografiert diese.

Aufgabe 5: Stellt eine Lehrbildreihe einer Leichtathletikdisziplin dar (nur ein Foto).

Aufgabe 6: Schreibt mit Naturmaterialien "TV Muttenz athletics" und fotografiert Euer Kundstwerk.

Montag (Bericht von Tim W., Mike, Jan und Simon)

Am nägschte Daag hän sich d Jungs ussem 3. Stock wieder drzue entschiede, die unverbindlichi Zitempfählig zbeachte. Und siehe da, scho wieder hets kei Gspröchsstoff am Tisch geh. Nochere gfühlte Viertelstund ahstoh am Zmorge Buffet, was um die Zit normal isch (am 10ab 8i aber übrigens nid eso wär), het meh sich ändlig könne dr Täller fülle.

Und scho isch d Autokolonne los düst, nur paar wenigi Freywilligi hän ihre innere Schweinehund überwunde und sin die 3km Wäg ahnejoggt. Wo sich d Mehrheit vo dr ahsträngende Autofahrt erholt het, hän sich dr Marco und Roman im Fötele und Filme versuecht. Doch denn, alli sin schockiert, stellt doch dr Tim Ohnmacht tatsächlich sini Hürde uf 1.07 m. Zum sich wieder vo däm Schock z erhole, het d Nathalie mit dr Mehrkampfgruppe e undefiniert ahsträngendi Yogastund abghalte. Im Ahschluss hän d Athlete sich miesse e Plätzli sueche, zum noch eigener innerer Uhr 5 min ruhig, mit de Auge zue ufe Bode zligge. Do het dr Trainer doch scho gmeint alli sin ufgstande, doch eine het s gfühl är muess si Mittagsschlof uffem Platz mache.

Am Mittag hets denn e wichtigi Person mit Vorbildsfunktion nid könne unterloh, s Natel währendem Ässe fürezneh. Grund drfür isch e vermeintlich wichtigs Fuessballspiel vom härzens Verein gsi. Dr Nomidag het de Wärfer Schwierigkeite bereitet, will d Eltere vo de Nochwuchsfuessballer d Diskusahlag bsetzt hän. Bim Kugelestosse hets drzue au no Mais geh.

E userwälte Teil vo de Athlete, het sich no zum e Getränk im Bierkäller verleite loh. Wo die diverse Getränk ihgnoh worde sin, isch e hitzigi Debatte über d Kampfflieger-Beschaffig vo dr Schwiz entfacht. Nocheme ernüchternde Resultat vom härzens Verein, het au dr Marco miesse ihgseh, dasses nüd brocht het, am Mittag unerlaubterwies dä Blick uf s Natel zwärfe.

Am Obe hets leider öbberem nid rächtziti zum Znacht glängt; s Dudele unter dr Duschi het sich grächt. Erschöpft vom Daag hän sich alli nochem Znacht uf d Zimmer verzoge.

Eine het voller Tatedrang no si Laptop füregholt zum dr Bricht ahfoh schriebe. Doch woner zum Schriebe ahgsetzt het, sin em nid nur d Finger über dr Tastatur ihgschlofe.

Sowie dr Autor isch au dr Laptop rasch in Schlofmodus gfalle.

Dienstag (Bericht von Lara, Alice, Safjia Nora und Nadine)

Auf geeehts!

Nacheme heftige Zämeschiss vom Marco, wie me dä Bricht do z verfasse het, hämmr nomol chönne afo. Danke schomol dodefür!

Jetz hoffemr notürlich, dass das nach dim Gschmack isch, Sir!

S erste was so in unserne Chöpf am Morge acho isch, isch sowas gsi wie: ,, IHR sind do d Athlete nid mir‘‘ do sind alli hellhörig worde. Hüt het jede müesse zum Stadion jogge, usser notürlich e paar fuuli Trainer, wo lieber fahre,pffff…

D Bei wärde vo Tag zu Tag schwerer und me fühlt sich nümm so fresh wie am erste Tag, isch jo au kei Wunder, bi däm was ihr Trainer uns a tüend.

Alles goht chli in Slomotion ab: s Dehne brucht länger als sunscht und alli Üebige sind scho garnümm möglich. Die wo no fit isch, isch d Alessandra. Am Seiligumpe isch sie, aber isch jo au kei Wunder, denn SIE isch jo gfahre😒!

Oh leckomio!, was isch denn das, do hets öper an Bode gfägt bim Hürde ABC.

Chum het me sich vo däm Schreck erholt, chunnt usem letschte Loch die fiti Alessandra: ,,… ich freu mich euch gly los z werde, herrlich ohni euch kleine Kinder!‘‘

Sie hets denn aber au no gmerkt:

„… Ah neiiiii, am Frytig han ich euch scho wieder am Hals. Sniefff!“

Tja so isch ds Leben, mini Liebi☺️

Randbemerkig: So sexy wie sie mit de Mia ihrem Chäppie usgseh het, hät sie glatt bi „Latschs Next Topmodell“ chönne go mitmache.

De Roman seht das andersch: mit grossem Elan legt er sich uf d Luur indäm er sich flach wie e Flunder uf d Wiese legt, um für sini Steeplespezialistinne s perfekti Insta-Pic z ergattere.

Plötzlich hört me sone Jürg über die ganz Alag schreie: ,, Heeeyy!‘‘ Mir alli so: „was los???“ Do händ doch Tatsächlich e paar Dütschi e Speer ,,usversehe’‘ uf d Bahn gworfe. Wo simmer denn do glandet? Denn das isch nid s einzige, zuwas die fähig sind (Gestern): uf de Bahn sitze und im Jürg die ufgstellte Hürde wägneh ghört au zu ihrne Stärkene.

De Marco het au so sini Stärkene: Büssli fahre ghört do aber nid dezue! Nachdäm er s Büssli e paar mol abgwürgt het, simmer denn doch no heil wieder acho.

Voilààà, s nächste Unglück, de Tim W. het sich churzspitz derzue entschiede, vorem Zmittag sehr elegant rückwärts d Riti z verlo, was nur so semi funktioniert het.

Soooooo: s letschte Mol zum Stadion. Keine het müesse jogge, jede het irgendwo es Plätzli gfunde.

Me seit jo au gärn: Der Apfel fällt nicht weit vom Stamm. So het au de Jürg hüt sini Büsslifahrkünst wieder welle vo de beste Site zeige, doch au er hets prompt abgwürgt.

Im Blaue Flitzer vo der Alessandra gseht das ganze chly andersch us. Voll dä Party-Chare do!, churz nachem Büssli simmer i troffe. Mir müend säge Alessandra du chasch grad in d NBA go spiele, so stark wie du chasch mim Basketball prelle🙌🏻. Notürlich als zweits Standbei näbem Modle😌.

Nachdäm d Alice de ERSTI Headshot vom Tag kassiert het, hämmr uns für s Fuessball spiele entschiede, nid so e gueti Idee, würde mr im Nochhinein säge, mir sind halt Liechtathlete!

„Wer de Ball berührt muess 20 Liegestütz mache“ brüllt de Marco übere Platz. Fähigi Lüt us däm ganze wilde Huffe, wo chum z kontroliere gsi isch, händ das denn au gschafft, wueeee!

Let’s gooooo!

Alli renne uf und ab, mängisch trifft me de Ball und des Öfteren halt au nid, oder denn fliegt er mit Liechtgschwindigkeit an falschi Ort. So got z.B. de zweiti (viel stärkeri) Headshot vo däm Tag ufs Konto vom Roman!

Starki Duell zwüsche Vater und Sohn Stocker het me z gseh übercho. Huuuuch und beidi fätztz an Bode, em Lars gots supi, de Marco chunnt mit e paar brennende Schramme devo.

Im Grosse und Ganze isch bi allne no alles dra, wuheee. Mir glaube mir sötte bim Liechtathletik blibe!🙈

Nach däm ufregende Iwerme vo Trainer (wooow, die chönne sich au bewege!) und Athlete, isch e Staffle agseit gsi. Mixedteam us Athlete und Trainer.

D Teams vom OL, wo am Sunntig gsi isch, sölle jewyls dur e Trainer/in unterstützt wärde. Alli risse sich ume Jürg, wer will scho nid öper im Team ha, wo so viel Erfahrig het wie er.

Doch er het sich denn fürs Zueluege entschiede, wänd jo nid nomeh Verletzti ha ;)

Hayayay, wenn das guet chunnt, d Alessandra schnürt sich sit langem wiedermol d Nagelschueh, usglehnt vo de Nathalie, an d Füess und hofft druff, dass sie sich kei Zerrig holt.

Alli bereit?

Denn chans jo los go mit de Staffle.

Au das het scho besser klappt!Upsiii!

Me muess säge: d Wächsel sind usgesproche suber gsi! (huest huest)

Aber schlussändlich spielt das jo kei Rolle, zumindest hüt nid.

E Glace als Abschluss nachem Training hämmr uns würklich verdient!

Banane Split und Früchtebecher isch bi uns agseit gsi. Schmatz, schleck …😋

„Uuuh, s Glace seht so guet us!“ Meint d Noée voller Euphorie wo de Banane Split vor ihre stoht, s Lächle uf ihrem Gsicht verschwindet denn aber au wieder, so schnäll, wies grad cho isch, wo sie feststellt, dass sie gar kei Löffel het! Sapperlott nonemol!

Uuuuffff, mir wüsse nid, wies euch gange isch, aber vor luter Glace ässe isch me sich denn doch nümm so sicher, öb es Znacht no Platz het, hihi.

D Valérie het bim Znacht allne mit stolz ihri Stift präsentiert, wo sie nochär ihri Maske demit agmölelet het und Gedicht uf d Serviette gschriebe het.

Die Chleine händ generell über irgendwelchi Crushes gredet, und unsere Tisch het mit verstörtem Gsichtsusdruck zueglost. De Roman het sich spöter dezue gsellt und das Ganze fasziniert mit verfolgt.

Öpis wämmr au no los wärde:

d Aline hets hüt au mol gschafft aständig z ässe, da s Cordon bleu kei Sauce gha het! Staaaark🤝🏽!!!Nachdäm die vergangene Täg s Tischtuech imene Schlachtfäld gliche het, wo mr fertig gässe händ, simmr ganz zuefersichtlich gsy.

Doch stattdesse hets d Lara derfür fertig brocht, e fette Fläck Preiselbeerkonfi uf s Tischduech z klatsche! Upsiiii!!!

Zums vertusche hämmr uns derzue entschlosse, eifach e Fläsche ÖÖÖpfelsaft druff z stelle, i de Hoffnig, dass mes nümm so guet gseht. Ganz nach em Motto: Aus den Augen, aus dem Sinn.💪🏻

Au nacheme Glesli Wy zeigt de Marco, dass er de ABC SRF 3 König isch, wenn mir das au nur ungärn zuegänd!

Die andere versueche sich im „Schüsselispiel“, wie uns d Alessandra spöter mitteilt het.

Es letschtsmol lauft me wie e Omi d Stäge duruf, stiff und langsam. Oder nimmt me doch lieber de Lift? Hmmm, eeeehmmm, villicht …, pssssst🤫!

D Koffer sind sowyt packt, wenn öpis kei Platz me het, denn het d Alice de ultimativi Trick: „du muesch rolleee!“

Öb jede alles in Koffer griegt het sehn mr morn…

Jetzt mol Guet Nacht und pfuused guet vo de packende Lara, de tiefschnufende Alice (schloft sie scho? me weiss es nid so richtig), de Safija Nora (scho in Paris👋🏻) und de Nadine,

Tschö mit ö.

Ps: mir sind schlächt. de Jürg isch super

Ah e Antwort simmr euch no schuldig: d Alessandra het sich lut ihrer eigene Ussag kei Zerrig gholt, gratuliere🤝🏽!

Und no was: mir händ di fest lieb, au wenn d chly unter d Reder cho bisch in unserem Bricht (die andere notürlich au :))